Hoyr heima við Hoyrnini
Nú kanst tú fáa hjálp frá Hoyrnini heima hjá tær sjálvum. Við rullandi hoyriklinikkini koyra vit heim til tín. Vit gera eina hoyriroynd, svara tínum spurningum, vegleiða og hjálpa tær við røttu hoyritólunum, so tú hoyrir betri, longu tá ið vit fara avstað aftur.
Skjótari og lættari enn nakrantíð
Hoyrnin hevur fasta avtalu við egnan oyrnalækna og vit avgreiða alt fyri teg. Tí nýtist tær ikki longur at fara til kommunulækna ella oyrnalækna fyri at fáa rætt til alment ískoyti til tíni nýggju hoyritól.
Tænastur og prísir
Hoyriroynd heima hjá tær sjálvum: 500 kr.
Ókeypis við keyp av hoyritólum.
Hoyritól úr 5.995 kr. fyri tvey tól*.
Íroknað er HOYR lívið avtala, sum m.a. fevnir um hoyrikanning, stilling, endaligt eftirlit og um neyðugt ein eyka stilling av tólunum.
*egingjald aftaná alment ískoyti
Uppfylgjandi stilling heima hjá tær sjálvum: 500 kr.
GG: Hoyrnin er eina ferð um mánaðin í Klaksvík, Runavík, Vági og á Sandi og tá er ókeypis at fáa hoyritólini stillað og eftirhugd
Soleiðis fært tú rullandi hoyriklinikkina heim til tín
1. Bílegging
Ring á telefon 321 731 ella fyll út hendan formin
2. Áðrenn vitjan
Vit ringja til tín, ella ein av tínum avvarandi, og kunna teg um hvussu heimavitjanin fer fram, áðrenn vit avtala eina tíð.
Áðrenn vit koma, fært tú eina áminning við telduposti og sms-boðum. Vit mæla til, at tú hevur onkran avvarandi hjá tær, tá ið vit koma, soleiðis at tit eru fleiri sum hoyra og minnast tað, ið verður sagt.
3. Vitjanin
Hoyrnin kemur heim til tín í hvíta bilinum. Vit kanna fyrst oyruni og gera síðani eina hoyriroynd.
Vit tosa saman um úrslitið av hoyriroyndini og um hvørjar avbóðingar tú hevur við hoyrninin í tínum gerandisdegi. Síðani finna vit tey hoyritólini, ið tú skalt royna og stilla tey til tína hoyrn. Um tú hevur brúk fyri tilhoyri, eitt nú sjónvarpsstroyming, verður hetta eisini sett til heima hjá tær.
Tá ið vit fara avstað aftur, ert tú ílatin at uppliva hoyrnina við nýggjum hoyritólum.
4. Aftaná vitjanina
Nakrar dagar eftir vitjanina, ringja vit til tín fyri at hoyra, hvussu tað gongur við tínum nýggju hoyritólum.
Um tú hevur brúk fyri, at vit stilla hoyritólini, bjóða vit tær møguleikan fyri eini heimavitjan afturat. Hevur tú brúk fyri meira hjálp eftir hetta, kanst tú bíleggja tíð hjá Hoyrnini ella gjalda fyri nýggja heimavitjan.
Vit gleða okkum at hjálpa tær til eina betri hoyrn.